قصيدة ://نقض المعرفة//

السلام عليكم

واسعد الله جميع اوقاتكم

قصيدة قصيرة اضعها بين ايديكم من باب التواصل

و اتمنى ان تنال القليل من رضاكم


____________________________


أهـب ياجـن الشعـر دق زاره
وتزاحموا في صدري الشوشليه
اللي يميني فيه واحـد يسـاره
واللي يسار ايمين ياقف خويـه
تجمعوا كـل ٍ يراجـع قـراره
يقرا تفاصيـل الكتيبـة عليـه
ماكنهم كود إستـلام وخفـاره
سرية تسري وتـردف سريـه
وأنا اتعوذ يا زمـان الحضـاره
وش عاد باقي يالنفوس الرضيه
مابين فـورة دم تـاره وتـاره
أذكر خضارك يالعروق الزكيـة
أيوالله أذكـر زولـك وإندثـاره
وأذكر ملامح وجهك الحاتميـه
ثم أتعوذ عن فتيـل الصـداره
وأصبر وصبري ما يجيب الرديه
لا والله أدرى والرجال أتشـاره
وأحشم شوارب كاسبين الحميه
نقض المعرفه بين لؤم وحقاره
وأنا من الثنتين نفسـي بريـه
أحفظ وقاري والرجل له وقـاره
وان أهمله يروح روحة ضحيه
كم واحد يحرق شليلـه بنـاره
يبلش بنفسه لين تنتف لحيـه
وياراعي المكتوب هـد الإثـاره
ياعاشق الميلات خـل الأذيـه
الكوكب الـدري توجـه مـداره
ياحي دوراتـه وياحـي ضيـه
وترى التصنع والكبر والقمـاره
بدايـة المشـوار للمهمهـيـه
وترى التمادي والغبا والعيـاره
نقص ٍ على الرجال تلحق سميه
وعند الزعل ماهو قنادي زقاره
أنـا قنـادي دلـة الشاذلـيـه
ياهنوه كب اللمز واصح الإشاره
واحذر تدور بالسوالف قضيـة


مــع تـــحـــيـــاتـــي اخــوكـــم:ضـــي عــنــزهـ